Ang banaba ay isang namumulaklak na puno na kilala sa maraming lugar sa Pilipinas. Ang bulaklak ay kulay lila at bumubuka ng malapad. Ito ay may bunga na mala-ubas ngunit kulay chocolate. Karaniwan itong tumutubo sa isla ng Luzon, Mindanao at Palawan. Ang banana ay may kakayanang makagamot ng ilang karamdaman, kalimitan mabibili ang banaba na nakahanda bilang inuming tsaa at tableta.
Ang iba't-ibang bahagi ng puno ng banaba ay maaaring makuhanan ng maraming uri ng kemikal at sustansya na maaaring may benepisyo sa kalusugan:
*Halaman - ay nagtataglay ng phenolic compound, saponins at flavanoids. Bukod pa dito mayroon din itong lagerstroemin, ellagitannin, corosolic acid. May mataas na lebel ng tannin sa bunga, balat ng kahoy at dahon.
Maaaring gamitin bilang gamot ang ilang bahagi ng halaman tulad ng:
*Ugat - pinapakuluan ang ugat at pinapainom sa may sakit.
*Bulaklak - pinapakuluan ang bulaklak ng banaba at ipainom ang pinaglagaan sa may sakit.
*Dahon - ang dahon ay pinapakuluan.
*Bunga - ang hinog na bunga ng banaba ay kadalasang pinapatuyo bago ilaga upang makuha ang taglay nitong sustansiya.
*Balat ng kahoy - ang balat ng kahoy ay nilalaga ngunit hindi ito kasing epektibo ng pinaglagaan ng dahon at bunga.
Mga sakit na maaaring magamot ng banaba:
1.)Altapresyon - ang pinaglagaan ng banaba ay nakakababa ng presyon ng dugo.
2.)Pagtatae - ang pinaglagaan ng balat ng kahoy ng banaba ay nakakagamot sa pagtatae.
3)Hirap sa pag-ihi - ang pinaglagaan ng ugat at dahon ng banaba ay may epektong diuretic sa mga taong hirap sa pag-ihi.
4.)Sobrang timbang - mahusay ang regular na pag-inom ng pinaglagaan ng halaman ng banaba sa pagpapanatili ng balanse at tamang timbang.
5.)Diabetes - epektibo sa pagpapanatiling balanse ng lebel ng blood sugar ang pinaglagaan ng bulaklak, dahon at bunga ng banaba.
No comments:
Post a Comment