Nangunguna pa rin ang Quezon City sa buong bansa sa may pinakamaraming kaso ng COVID-19. Base sa datos kagabi araw ng Sabado, Abril 19, 2020 ay umakyat na sa 1,042 ang kabuuang kaso ng COVID-19.
Ayon sa Quezon City Epidemiology and Surveillance Unit and District Health Offices nagtala kahapon ng 26 na bagong kaso ng COVID-19 sa lungsod. At 862 dito ay tukoy na ang kumpletong address at nasa 697 na ang na-validate.
Apat naman ang gumaling kahapon ng Sabado, sa kabuuan ay nasa 87 ang gumaling mula sa sakit ng COVID-19 sa lungsod. At nanatiling nasa 90 naman ang kabuuang bilang ng namatay.
No comments:
Post a comment