Taipei (Hulyo 7, 2020)- Dahil sa patuloy na pagtaas ng bilang ng COVID-19 sa Rehiyon 7 lalo na ang Cebu City ay nagpalabas na ng ayoda ang pamahalaang Lungsod ng Cebu ng tig-isang milyon para sa 80 barangay na nasa ilalim ng Lock down.
Kahapon, Hulyo 6, 2020, ay pirmado na ni City Administrator Floro Casas sa ilalim ng utos ni Mayor Edgardo Labella ang tig-isang milyon para sa ilang barangay sa Cebu City.
Ayon sa opisyal, ang pera ay gagamitin para sa ayodang ibibigay sa bawat residente sa nasabing mga baranggay.
Sa kasalukuyan ay nasa 6,142 na ang kabuuang kaso ng COVID-19 sa Cebu City at sinudan ng Mandaue City na merong 1,061 at Lapu-lapu City na may 836 na kaso ng COVID-19.
No comments:
Post a comment